زمین لرزه ای ۵.۲ ریشتری بخش های از ولایت بدخشان را تکان داد
34 نیوز؛ وزارت معادن و پترولیم از وقوع یک زمین لرزه به شدت ۵.۲ ریشتر در ولایت بدخشان خبرداده است.
ریاست جیولوژی محیط زیستی این وزارت در توییتی نگاشته است که حوالی ساعت ۱۰:۱۳ دقیقه امروز، یک زمین‌لرزه به شدت ۵.۲ ریشتر ولسوالی زیباک ولایت بدخشان را تکان داده است.
این وزارت مرکز این زمین لرزه را روستا «کیده» در ولسوالی زیباک این ولایت گفته است.
در همین حال سازمان زمین شناسی ایالات متحده امریکا نیز گفته است که امروز دوشنبه، ۱ جوزا، یک زمین‌لرزه به بزرگی ۴.۹ ریشتر بخش‌های از افغانستان، پاکستان و تاجیکستان را تکان داده است.
تاکنون درباره تلفات و خسارات احتمالی این زمین‌لرزه چیزی گفته نشده است.
