آغاز روند جذب دختران در انستیتوتهای صحی در شماری از ولایتهای کشور
34 نیوز؛ وزارت صحت عامه با ارسال نامه ای به ریاستهای صحت عامه شماری از ولایت ها، هدایت داده است تا جذب دختران فارغ صنف دوازدهم در انستیتوتهای صحی دولتی را آغاز کنند.
خبرگزاری دولتی باختر، به روز سهشنبه، ۱ حوت، گزارش داده است که روند جذب دختران فارغ صنف دوازدهم در انستیتوتهای صحی دولتی ولایتهای «کاپیسا، پروان، پنجشیر، میدانوردک، غزنی، پکتیکا، لوگر، خوست، بدخشان، بامیان و پکتیا» آغاز شده است.
به نقل از این خبرگزاری، وزارت صحت عامه با ارسال مکتوبی به ریاستهای صحت عامه ولایتهای ذکرشده، هدایت داده است که روند جذب فارغان دختر صنف دوازدهم به انستیتوتهای صحی را آغاز کند.
وزارت صحت عامه در حالی این تصمیم را گرفته است که اخیرا نگرانی ها از کمبود پرسنل صحی زن وجود داشته است.